"3E-English-Entrepreneurship–Employability" Tryeza Diskutimi

Identifikimin e modeleve dhe praktikave kombëtare e lokale që mundësojnë integrimin e studentëve në tregun e punës kishin si qëllim gjashtë tryezat e zhvilluara nga JA of Albania si pjesë e projektit “3E - English- Entrepreneurship – Employability" që po zbatohet me mbështetjen e Ambasadës Amerikane në Tiranë. Tryezat u zhvilluan në periudhën prill-qershor 2022 në partneritet me Universitetet "Fan S.Noli" Korçë, "Aleksandër Xhuvani" Elbasan, "Aleksandër Moisiu" Durrës, "Ismail Qemali" Vlorë dhe "Eqerem Çabej" Gjirokastër.

Pjesë e këtyre tryezave u bënë aktor të ndryshëm që kanë role e përgjegjësi në këndvështrimin e krijimit të një mjedisi mundësues që nxit punësimin e të rinjve në tërësi e stdentëve në veçanti, specifikisht  Departamentet e Karrierës pranë Universiteteve përkatëse, pedagogë të universiteteve, përfaqësues nga strukturat e Bashkive respektive, Zyrave të Punës, si dhe studentë pjesë të Klubeve të Debatit. Në secilën prej tryezave modele të praktikave kombëtar e lokale u prezantuan nga ekspertë të fushës, ndërkohë studentët e pjesëmarrësit adresuan sfidat që ndeshin për ti bërë politikat kombëtare e lokale të zbatueshme për çdo student.  Tryezat nxorrën në pah nevojën për të ridimensionuar rolin dhe angazhimin e Departamenteve të Karrierës në Universitete në këndvështrimin e informimit të studentëve mbi hapësirat që realisht egzistojnë për tu mundësuar një integrim të shpejtë në tregun e punës.

Panairi Rajonal Shkodër | Kompania e Nxënësve 2022

Jemi shumë të lumtur që mbyllëm me sukses një tjetër Panair Rajonal të programit Kompania e Nxënësve. Pas vizitave në Gjirokastër dhe Korçë, u mirëpritëm në mënyrën më të mirë të mundshme këtë herë në qytetin e bukur të Shkodrës.Rreth 97 nxënës nga gjimnaze të qyteteve: Tiranë, Shkodër, Durrës, Koplik, Kukës, Peshkopi dhe Burrel ishin pjesë e kësaj dite të vecantë ku treguan për klientët e tyre produktet dhe shërbimet që Kompanitë e tyre të Nxenësve kanë krijuar përgjatë këtij viti.Në kuadër të programit Kompania e Nxënësve në bashkëpunim me AADF dhe Bashkinë e Shkodrës, Junior Achievement zhvilloi Panairin e fundit Rajonal për 2022, në Shkodër më 27 Maj 2022. Ky Panair u mundësoi nxënësve krijimin e një hapësire ku arritën të reklamojnë/shesin produktet e tyre dhe të prezantojnë idetë e tyre të sipërmarrjes tek komuniteti, biznese e media lokale.Falenderojmë për bashkëpunimin Bashkinë Shkodër të cilët vunë në dispozicion të nxënësve tanë hapësirën publike të qytetit.Shumë shpejt do të shihemi në një tjetër panair, Panairin Kombëtar | Kompania e Nxënësve 2022!

BY LEAP: Mbështetje konkrete për OJF të të rinjve

Në kuadër të projektit “Të lidhim edukimin, aftësitë dhe potencialet rajonale me praktikat rajonale të punësimit të të rinjve” – BY LEAP, financuar nga Programi për Shoqërinë Civile dhe Median - 2019 i Bashkimit Evropian, pesë organizata të shoqërisë civile u mbështetën nga JA of Albania gjatë periudhës Tetor 2021-Shkurt 2022 për të zhvilluar Planet Strategjike të tyre.25 pjesëtarë të këtyre organizatave u përfshinë në një cikël trajnimesh për ngritjen e kapaciteteve të tyre për të hartuar Planin Strategjik dhe Strategjinë për Ngritjen e Fondeve, si dhe u trajnuan e mentoruan për finalizimin e këtij dokumenti strategjik.Organizatat “Qendra MEKZH”, Qendra “YIE”, ‘Klubi Kombëtar i Prindërve me CSA”, “Qendra JUS” dhe Qendra “Destiny” kanë hartuar tashmë Planet e tyre Strategjike dhe të ngritjes së fondeve për periudhën 2022-2025 dhe do të vijojnë ti zbatojnë këto plane.