PROJEKTI "Sipërmarrësit e së ardhmes në laboratorët e sipërmarrjes në shkollë

Në kuadër të projektit ’’Sipërmarrësit e së ardhmes në laboratorët e sipërmarrjes në shkollë’’ me mbështetjen e Fondacionit Credins dhe Teleperfomance, Junior Achievement of Albania inauguroi më 23 dhe 25 shtator laboratorët të sipërmarrjes, në shkollat 9 vjeçare “Kozma Basho” Pogradec dhe “Nënë Tereza”, Lezhë.

Krijimi i laboratorëve u bë i mundur nëpërmjet dhurimeve të alumni në Junior Achievement of Albania në vite, sot sipërmarrës të rinj, nëpërmjet platformës crowdfundig SMILE.AL, mbështetjes financiare të Fondacionit Credins dhe pajisjeve kompjuterike bashkëkohore mundësuar nga Teleperformaca.

Në ceremoninë e inaugurimit morën pjesë përfaqësues të DAR dhe ZVA Lezhë, nxënës, mësues përfaqësues të Junior Achievement of Albania, Fondacionit Credins SMILE.AL, dhe TELEPERFORMANCA.

Laboratorët e sipërmarrjes janë konceptuar si një mjedis miqësor dhe inovativ  për zhvillimin praktik të njohurive e aftësive sipërmarrëse dhe menaxhimit të financave per nxënësit e këtyre shkollave. Këto mjedise miqësorë per nxënësit dhe të pajisura me mjetet e nevojshme kompjuterike,  do të shfrytëzohen nga të gjithë nxënësit e mësuesit e këtyre shkollave, gjatë zhvillimit të moduleve që lidhen me financat personale, sipërmarrjen dhe zhvillimin e karrierës si dhe për të zhvilluar aktivitete jashtë kurikulare, që përfshijnë jo vetëm nxënës e mësues por dhe përfaqësues nga bota e biznesit.

Aktivitetet e para që do të mirëpresë ky laborator do të jenë Kampet e Financës për nxënës të moshave 13-15 vjeç, te cilët do të mund  praktikojnë, nëpërmjet lojës, njohuritë e aftësitë për financat dhe sipërmarrjen. Ndërkohë mësuesit të  lëndës së qytetarisë të  shkollave në të dy ZVAP do të ndjekin zhvillimin e Kampit të Financës, me qëllim marrjen e modelit dhe metodologjisë së Kampit të Financës dhe realizimit në shkollat e tyre. Kjo qasje do t’i ndihmojë të aplikojnë  këtë model në aktivitete të vazhdueshme të organizuara në nivel shkolle, vit pas viti, me nxënës të klasave të arsimit të mesëm të ulët. 

Kjo iniciativë, është një tregues i rëndësisë së bashkëpunimit ndër sektorial për të përmirësuar kushtet e mësimdhënies dhe rritur kohezionin mes shkollës, biznesit dhe aktoreve lokale per aplikimin e modeleve praktike të edukimit financiar dhe sipërmarrës. 

Programi i Inkubimit dhe Akselerimit JUP 3.0

Programi i Inkubimit dhe Akselerimit Junior UP 3.0 është një vazhdimësi e suksesit të 2 kohortave të mëparëshme, prej të cilave 7 startupe të rinjsh janë mbështetur financiarisht dhe me ekspertizë për të kthyer idetë e tyre në biznese të suksesshme dhe qëndrueshme.

JUP 3.0 është një program intensiv i përbërë prej 5 sprintesh të drejtuara kryesisht nga ekspertë ndërkombëtarë në bashkëpunim me SwissEP dhe ekspertëve lokal më të suksesshëm. 8 startupet pjesë e kohortës së 3të, menjëherë pas Selection Bootcamp u përfshinë në dinamikën e sprinteve:

1. Qasja Lean Canvas dhe Kuadri Ligjor i Startup-eve në Shqipëri,

2. Përputhshmëria mes Problemit dhe Zgjidhjes (Problem-Solution Fit),

3. Zhvillimi i një strategjie për të dalë në treg (Go to market strategy)

4. Ndërtimi i marrëdhënieve me investitorët,

5. Prezantimi përpara investitorëve dhe palëve të interesuara.

Në më shumë se 50+ orë workshope dhe 70+ orë mentorime, 8 startupet arritën të diskutojnë, ngrenë hipoteza dhe plane konkrete se si të ndërtojnë startupe dhe biznese me në qendër klientin, sipas modeleve më të mira ndërkombëtare. Ekpsertiza dhe njohuritë e thella të ekspertëve ndihmuan sipërmarrësit e JUP 3.0 se si të vizionojnë kompani të cilat nisjen e kanë në tregun shqiptar por synojnë t’i shërbejnë edhe tregjeve ndërkombëtare.

Pas 5 sprintesh me mentorime dhe workshop-e, testimeve dhe prototipeve, 7 startupe do të mund të tregojnë potencialin e tyre përpara jurisë investitorë për të përfituar mbështetje financiare dhe teknike përmes Junior Achievement of Albania. Demo Day do të zhvillohet në datën 13 Qershor në ambjentet e Qendrës Piramida.

JUP 3.0 kohorta e 3të gati për Programin e Inkubimit e Akselerimit

Me hapjen e thirrjes për aplikime në kohortën e 3të të Programit JuniorUP në datën 15 Shkurt, nisën edhe takimet informuese mbi të gjitha etapat e kriteret e Programit JUP 3.0. Përgjatë gjithë muajit Shkurt e deri në datën e fundit të aplikimit 15 Mars, përfaqësues të programit organizuan takime informuese e këshilluese me të rinj të cilët idetë e tyre dëshironin t’i kthenin në biznese të suksesshme.

Përmes këtyre 15 takimeve u arrit që të prezantohej kjo mundësi në më shumë se 550 studentë të:

1.      Fakultetit të Ekonomisë, Universiteti i Tiranës

2.      Fakulteti i Gjuhëve të Huaja, Universiteti i Tiranës,

3.      Universitetit Europian të Tiranës

4.      Universitetit të New York,

5.      Western Balkan University,

6.      Universitetit Polis,

7.      Kolegjit Universitar Beder,

8.      Ofipina HUB.

Në përfundim të periudhës së aplikimeve u përzgjodhën 17 ekipe dhe ide biznesesh për të avancuar në Selection Bootcamp, një event intensiv prej 1 dite e gjysëm. Në Selection Bootcamp ekipet patën mundësinë të përmirësojnë idetë e tyre përmes mentorimeve kokë më kokë me ekspertë të fushës. Në përfundim të Selection Bootcamp u përzgjodhën 8 ekipet më premtuese për të qenë pjesë e kohortës së 3të të programit Junior UP:

1.      Multifunctional Educational Gaming M.E.G,

2.      Vintagora,

3.      Bubi,

4.      Lookup

5.      Whassup,

6.      V’ark,

7.      Shamata,

8.      Myofit.