, , ,

JUP 3.0 është thirrja e hapur për 'ata që guxojnë'!

, , ,

Junior Achievement of Albania me kënaqësi ka lançuar që prej muajit Shkurt thirrjen për sipërmarrës të rinj të cilët dëshirojnë të bëhen pjesë e JUP 3.0, programin tonë të inkubimit. Për të tretën kohortë ne jemi duke kërkuar për ata që guxojnë të pilotojnë dhe transformojnë idetë e tyre në sipërmarrje të suksesshme.

Ndaj, Junior Up nuk është thjesht një program startupesh por një thirrje për ata që guxojnë të sfidojnë veten e tyre, guxojnë të testojnë idetë e tyre dhe t’i kthejnë ato në diçka të sfiduese në tregun lokal e global.


JUP 3.0 përbëhet nga:

  • trajnime praktike nga sipërmarrës ndërkombëtar e lokal,

  • mentorim me ekspertë lokal dhe ndërkombëtar,

  • mundësi rrjetëzimi lokalisht dhe ndërkombëtarisht.

Përmes kanaleve online dhe jo vetëm, përfaqësues të Programit kanë zhvilluar mbi 15 sesione informuese në universitete si:

  1. Universiteti Europian i Tiranës,

  2. Western Balkan University,

  3. Kolegji Universitar Beder,

  4. Universiteti Polis,

  5. Ofiçina Hub,

  6. University of New York Tirana,

  7. Universiteti i Tiranës, Fakulteti i Ekonomisë,

  8. Universiteti i Tiranës, Fakulteti i Gjuhëve të Huaja.

JUP 3.0 është një mundësi e mirë për të marrë njohuri, eksperiementuar dhe për të kaluar nga procesi idesë në atë të produktit ose shërbimit përfundimtar. Përmes instrumentave të ndryshëm, startup-et më premtuese të kohortës përfitojnë një grant investimi dhe ai më premtuesi përfaqëson Shqipërinë në GenE 2024 festivalin më të madh të sipërmarrjes në Europë.

, , ,

Kampi i Inovacionit JAA në Fier

, , ,

Më 25 Janar 2024, Junior Achievement Albania zhvilloi në Fier një Kamp Inovacioni që mblodhi së bashku 26 nxënës të shkollave të mesme. Objektivi kryesor i këtij eventi ishte kultivimi i kreativitetit dhe aftësive sipërmarrëse tek të rinjtë, duke njohur potencialin e tyre për të formësuar të ardhmen e inovacionit.